Posts tagged 芝士蛋糕

奶蓋綠茶/奶蓋綠茶凍 green tea jelly

奶蓋綠茶/奶蓋綠茶凍 green tea jelly
四杯分量 綠茶包 4個 熱水 400ml 魚膠粉 12g 糖 60g cream 200ml 鹽 1/4茶匙 糖 1茶匙 奶蓋綠茶 500ml杯裝 綠茶包 二個 熱水 300ml 糖 適 冰 適量 淡忌廉 100ml 鹽 1/8茶匙 糖 1/2茶匙 奶蓋綠茶凍 綠茶包4個沖熱水 浸5分鐘後 搾乾茶包內水份 (茶包可以留返黎一陣洗碗或清潔用) 加入糖及魚膠粉拌均 倒入模中就可以放入雪櫃 雪5小時左右 (沖茶時減100ml水 最後加100g冰粒可縮短冷藏時間) 淡忌廉加鹽及糖 打至半凝固 唔好太硬 茶凍凝固後用少少暖水浸個模 咁就好易倒出黎架啦 最後加上奶蓋就ok啦 奶蓋綠茶 趕收工模式! 一樣沖茶加糖加冰加奶蓋就ok

蝴蝶酥Butterfly Cracker

蝴蝶酥Butterfly Cracker
300g酥皮麵糰(上一集有講點整架) 糖 45g 肉桂粉 半茶匙 麵糰轆成20cm正方形 厚約4mm 完成後大細塊由此厚度控制 砂糖玉桂粉混合 (如果唔鐘意玉桂粉味 可以用brown sugar代替玉桂粉同砂糖) 撒一半糖上面 麫糰兩邊分兩次摺向中間(好難形容呀 睇片會好d ) 再撒另一半糖上卷好的麫糰 包好後雪硬佢(兩小時左右,過夜會更好) 切成3mm薄片 放上焗盤 每塊要留一倍空間 我有個朋友 無留位 焗完變左一大塊蝴蝶s酥 強調唔係我 200度 焗20分鐘 如果中心位未脆 可以反轉再入爐焗多陣 凍左就食得啦!

製作酥皮麵糰Puff Pastry

製作酥皮麵糰Puff Pastry
約600g麵糰 低筋麵粉 250g 無鹽牛油 235g 鹽 4g 水 125ml 冷氣機(夏天必備) 鹽溶於125ml水中 35g牛油煮溶加入麫粉中 再加入鹽水 輕輕撈成糰狀就可以 唔洗用力去搓 轆成25cm左右四方形放入雪櫃備用 牛油先在室溫放軟 牛油放左牛油紙上(唔係本身包住果張) 慢慢轆成扁平 要d力同耐性架 轆扁後用牛油紙幫助對摺牛油 變返一大舊再重覆轆返扁佢 直至牛油柔軟又唔溶 同麪糰差唔多質感 將牛油轆成15cm正方形 如果牛油或麵糰太軟 就放入雪櫃雪至差唔多 將牛油45度角放上麵糰 然後將麵糰四角蓋上牛油 包住成舊牛油 轆成30cm長形後 將麪糰以摺三摺信紙形式摺埋 即左邊摺向中間 右邊再摺向中間蓋住 再轆成30cm長形 再摺 完成兩次對摺就要雪藏一小時至兩小時 [...]

日式芝士蛋糕cheesecake

日式芝士蛋糕cheesecake
6吋份量 牛油(無鹽) 30g Cream Cheese 200g 糖 90g 淡忌廉 100ml 雞蛋 兩隻(鬆軟版 加兩隻蛋白) 雲尼拿條 1條 低筋麪粉 50g Cream Cheese放室溫半小時回軟 雞蛋分開蛋白同蛋黃 從雲尼拿條起出雲尼拿籽 雲尼拿籽,蛋黃,牛油,Cream Cheese,淡忌廉混合 篩入低筋麪粉 再加50g糖 攪至無粒粒 蛋白加糖40g 打至企身蛋白霜 (鬆軟版可以加多一至兩隻蛋白) 兩者輕力混合 蛋糕模舖上牛油紙 放入己預熱焗爐170度焗 50分鐘至60分鐘 焗爐底加上焗盤注滿熱水 確保熱水成個過程都唔會蒸發晒 如果唔夠水的話 蛋糕會裂開架!!!!! 焗完可以用竹簽吉下睇下熟未 蛋糕焗完熄火留係焗爐慢慢降溫 咁蛋糕中間就唔會縮左入去 之後凍左就 [...]

檸檬芝士蛋糕(免焗No-bake cheese cake)

檸檬芝士蛋糕(免焗No-bake cheese cake)
6吋份量 消化餅 6塊 牛油(無鹽) 40g Cream Cheese 200g 糖 105g 純乳酪 100g 檸檬 1個 魚膠片 10g 淡忌廉 100ml Cream Cheese放室溫半小時回軟 檸檬刨皮 唔好刨到白色部份 榨半個檸檬汁 純乳酪,Cream Cheese,檸檬汁,檸檬皮混合 加入75g(5湯匙)糖,20g牛油 攪至無粒粒 如果怕酸或者CREAM CHEESE本身鹹 可以加多D糖 魚膠片浸凍水直至軟身 將之前攪好的漿取出少量加已軟身魚膠片 隔熱水加熱至完全溶解 放回原來的漿中混合 淡忌廉攪至企身 輕輕力將忌廉與芝士漿泥合 消化餅 放袋入面整碎(有攪拌機可冷笑一聲) 加入20g牛油 30g糖 用手充份混合(記得洗手,所有唔洗煮的野食製作過程要超乾淨) 舖係 [...]